أيـــــــــــــــــــام و ليـــــــــالـــــــــــــى: سلوكيـــات

الخميس، 16 سبتمبر 2010

سلوكيـــات

في طابور العيش
زبون 1 : إنت ياأستاذ .. ما تقف في الطابور زي بقيت الخلق ، ماكلنا واقفين أهوه
زبون 2 : يعنى إنت مش عاجبك الناس اللي واقفه دى ؟؟
هو : دوول خمس أرغفة بس يا جماعه
أنا : طيب مأنا أهوه بقالي نص ساعة في الطابور ، عشان خمس أرغفة
بعد خمس دقائق
البائع موجها حديثه لي : عايز كام يا حضرت ؟؟
أنا : خمسه وعشرين رغيف

في السوبر ماركت
المرأة : هات كيسين مكرونة ريجينا
الرجل : خليها مكرونة مصريه احسن ، ماهى زي الريجينا بالظبط
المرأة : هاتفرق إيه يا عبده ؟؟
الرجل : عشرين قرش فى الكيس الواحد
عند الكاشير
زبون آخر : إنتو ليه مابتجيبوش جربر بالمانجه ؟؟ .. الولد عندي مابيكلش إلا جربر بالمانجه

أمام التليفزيون

الزوج : مالك .. واقفه عامله كده ليه ؟
الزوجه : أصل عايزه أروح الحمام
الزوج : طيب ماتروحى
الزوجه : مستنيه الفاصل
الزوج : لا حول ولا قوة إلا بالله

الزوج يضغط على زرار إيقاف الصورة الحديث في التليفزيون الجديد تكنولوجيا

في المدرسة الإعدادي

يدخل مدرس الرياضيات الجديد وسط هرج ومرج
المدرس : بس يابنى .. بس يا حبيبي
هرج ومرج
المدرس : بس يابن الناس الكويسه
هرج ومرج
المدرس : بس يابن الحلوة
هرج ومرج
المدرس : بس يابن الوسخة .. منك له
صمت تام
المدرس : ما هو إحنا شعب كده .. تقوله يابن الحلوة .. ولا كأنك بتكلمه ..تديله بالجزمه .. يسمع الكلام

في المطقم
أنا :أما أنا شفت النهارده حته منظر فى المقطم .. فضيحة !... واحده قفشت جوزها مع واحده تانيه فى المقطم
هى : إيه اللى حصل ..؟
أنا : أبدا .. بتزعق بعلو صوتها .. بأه هى دى اللى مخلياك متغير ومش طايق البيت .. هى دى اللى قالبه كيانك .. طب إستنضف .. مالقيتش غير المعفنه دى ؟؟ يازباله .. يارمه .. يابن الكلب .. صحيح ديل الكلب عمره ماينعدل
هى : أحمد .. وإنت إيه اللى وداك المقطم ؟؟
---------------------------------------------------------------

أخر الكلام

ولد بيسأل أبوه هى الحمير بتتجوز .. قاله يابنى أصلا مابيتجوزش غير الحمير

ليست هناك تعليقات:

إرسال تعليق

الاشتراك في: تعليقات الرسالة (Atom)

أنا شخبطه ع الحيط
وبأشبة ناس كتير
لا أنا عمرى ح أكون
الأًوًل ولا الأخير

أنا واحد من كتير
بيحبوكى بضمير
كل اللى شاغل بالى
إنك تبقى بخير

الأسم فلان الفلانى
السن ما أنتى عارفه
عنوانى حضنك ومكانى
الدين مؤمن بالله

أحلامى من سنين
مركونه ع الرفوف
مليًت كلامك ليًا
تملًى عندك ظروف

مش بأندم ع اللى فات
ولا نفسى أرجعله يوم
سنين وأنا ضهرى متنى
كفايه عايز أقوم

قد تخلو زجاجة من العطر

كما قد يخلو القلب من الحب

ولكن تبقى الرائحة العطرة عالقة بالزجاجة

كما تبقى الذكرى الطيبة عالقة بالقلب

إن الذين ينقشون حبهم بطيب تعاملهم

على جدران قلوبنا وصفحات أعماقنا

يصعب علينا أن ننسـاهم

بل إن الوجوه التي نحبها

لا تغيب أبداً مهما بعدت المسافات

فهمسات الأحبة لا ترحل

بل تبقى مغروسة في سويداء القلوب

ولربّما غدٍ أو بَعد غدْ !

أو ربّما بعد سنين لا تعد

ربّما ذات مساءٍ نلتقي

في طريق عابرً من دُون قصدْ

شعب بغزالة أتخنق قلب التاريخ فى يومين
لابس عباية جحا وهو صلاح الدين
بيكرم الأنبياء وبيهزأ السلاطين
والفجر خيلة وحبات الرمال عربه

بتكون في احسن حالاتك وانت مش محكوم

بتبقى رايق ولا ظالم ولا مظلوم

بعدين ده ايه الغبي ده اللي يهددك بالشوم

يا مخلي الف احتلال ينزل على ركبه

يا شعب مصر اللي رجالته وبناته كده

حلال عليه لبن العصفورة لو طلبه

سايق عليك النبي ما تقول كده كفاية

الثورة دى بسملة كمل بقى الآية

مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية

عن ناس يباتوا حفايا يصبحوا أسياد
خمسة وعشرين يناير يا شباب حصل ايه
فى حد فينا طِوِل أو جد حاجة عليه
أو جاب سلاح أو ملايكة بشروه بالنصر

فى حاجة أصلا فى الطبيعة
تدعو للثورة على السلطان
شوف الشجر رغم الحجر طارح ثمر
زى الخبر وبتعلنه الأغصان

القلب فرحان ولكن اتعبه منفاه

وهده بعده عن اللي عاش بيستناه

ما فضلش غير انحني حبا واقول الله

قد فاز فوزا عظيما من قضى معهم

قالوا لي بتحب مصر قلت مش عارف

هو الهوى يبقى جارف لما اقول جارف؟