الثلاثاء، 21 سبتمبر، 2010

ألوانــي






الألوان هي سحر .. الألوان هي الحياة .. الألوان هي النفس اللي بتدخل جوانا بتلونها بلون حالتها .. الألوان هي أحاسيسنا .. الألوان هي منفذ الروح .. وقوة العشق للحياة.

الألوان .. أبيض و أسود التحما .. وافترقا فنبض بينهم.

الأبيض ... ففكرنى بكل طفل حملتة بين يدى و حسيت معاهم بمعنى الحب الطاهر.

 
البمبي ... شفت ضفاير بنت صغيرة ملفوفة بشرايط بمبى مزغلل و فى ايديها غزل بنات بمبى.

 
الأحمر ... وشى لما بأغضب ويبقى نفسى أصرخ .. وبرضه قلب بيجرى عليك وهو فرحان.

 
الأخضر ... نجيلة خضرا مندية فى ساعة الصبح و أفرد ضهرى أبص للسما و أيدها فى أيديا بحب.

 
البنى ... عمارات وسط البلد و حواري الحسين و شوارع السيدة و مصر زمان بحلاوتها.

 
الأصفر ... لذعة الليمون وريحة الربيع .. وزهور عباد الشمس بترقص و الغيرة فى القلب.

 
اللبنى ... السما و هى صافية و فيها قطن أبيض ناعم أوى و احساسى الوحش اللى بيتمحى من المنظر.

 
البيج ... ستاير ناعمة بتهفهف على باب بلكونة أوضه فيها راجل و ست بيحبوا بعض و بنوته صغيرة بين ايديهم.

 
الأزرق ... البحر اللى بيغسلنى من كل هموم الدنيا كلها.

 
الأسود ... لون عنين بحبه .. وغموض بيشدنى .. واحساس بيخطفنى.


 

ليست هناك تعليقات: