الثلاثاء، 21 سبتمبر، 2010

حبيبتى مصر






ضحك التاريخ ضحكته المشهور بيها واندار
ودخل مناقشه مع الجغرافيا عما صار.. هل نعترف بالبيان
الى أزيع العصر.. وننتظر مصر تطرد اسرائيل بالقسر
وساعتها تحصل بكل جداره يوم النصر







على اسم مصر التاريخ يقدر يقول ما شاء
انا مصر عندى احب واجمل الاشياء
باحبها وهى مالكه الارض شرق وغرب
باحبها وهى مرميه جريحه حرب






باحبها بعنف وبرقه وعلى استحياء واكرهها والعن
ابوها بعشق زى الداء.. واسيبها واطفش فى درب وتبقى
هى ف درب ..وتلتفت تلقينى جنبها فى الكرب.. والنبض
ينفض عروقى بالف نغمه وضرب.. على اسم مصر







مصر النسيم فى اليالى وبياعين الفل
ومرايه بهتانه على القهوه.. ازورها..واطل..القى النديم طل
من مطرح ما انا طليت.. والقاها برواز معلق عندنا فى البيت
فيه القمر مصطفى كامل حبيب الكل 






المصرى باشا بشواربه الى ما عرفوا الذل
ومصر فوق فى الفرانده واسمها جوليت
ولما جيت بعد روميو بربع قرن بكيت..ومسحت دموعى
فى كمى ومن ساعتها وعيت..على اسم مصر





 
 
  

ليست هناك تعليقات: