الغضب هو خطأ تقني يجعل لسانك أسرع من تفكيرك، وإذا كان الطائر اللي بيصحي بدري هو اللي بيلحق الدود قبل غيره سنجد أن الفار اللي بيصحي متأخر هو اللي بيعرف المصيدة محطوطة فين، بس ده مايمنعش إن الجون بيجيبه لعيب بس البطولة بيجيبها فريق، وعشان كده باسأل :
ليه بيحطوا تحت الكراسي في الطيارات عوامات مش براشوتات؟
لو ماكانوش اخترعوا الكهرباء كان زمانَّا دلوقتي بنتفرج علي التليفزيون علي أضواء الشموع!
لو واحد محكوم عليه بالإعدام وقبل الإعدام بنص ساعة شنق نفسه بمعرفته.. هل يعتبر مات منتحراً؟
إيه اللي المفروض يعمله الواحد علشان لما يتقتل يتقال اغتالوه بدل لقي مصرعه؟
الحديدة اللي في آخر رباط الجزمة اسمها إيه؟
ليه الفقر لازم يكون «مدقع» والثراء لازم يكون «فاحش» والتمثيل لازم يكون «مشرف» والظلام لازم يكون «دامس»؟ وإيه المشكلة لما يختلط الحابل بالنابل؟
وإذا كان اللي مايقدرش يشوف أعمي واللي مايقدرش يتكلم أخرس واللي مايقدرش يسمع أطرش طيب اللي ما يقدرش يشم إيه؟
وإذا كان اللي مايقدرش يشوف أعمي واللي مايقدرش يتكلم أخرس واللي مايقدرش يسمع أطرش طيب اللي ما يقدرش يشم إيه؟
ليه الناس فاكرة الموت مابيجيش غير للناس البعيدة بس؟
هل ممكن صناعة الجبنة من لبن المرضعات؟
إذا كانت راقصة الباليه «باليرينا» طيب ما هو اسم راقص الباليه؟
الحمار الوحشي أبيض متخطط بأسود ولا أسود متخطط بأبيض؟
ليه الناس بتفرح إنها اشترت عربية جديدة فيها عداد سرعة لحد 220 كيلومتراً بينما أقصي سرعة مسموح بها في أي حتة 120كيلو فقط؟
إذا كان الشخص «المازوخي» بيتمتع بتعذيب نفسه هل لو منعته من تعذيب نفسه يبقي كده هيتعذب أكتر؟
هل هييجي يوم نندم فيه علي كميات الملح اللي رشيناها علي العرسان في الزفة؟
إزاي بتصدق إن فيه ملايين النجوم في السماء وإنت عمرك ما عديتها بينما لو حد قالك فيه بقعة علي هدومك مابتصدقش غير لما تشوفها بنفسك؟
ليه بطوط بيخرج من تحت الدش وهو لافف نفسه بفوطة بينما في المشاهد العادية مابيبقاش لابس أندروير أصلا؟
هل عدَّاد التاكسي بيفضل شغال والتاكسي راجع بضهره؟
لو حاولت تسقط في الأمتحان لأي سبب ولقيت نفسك ناجح في آخر السنة هل هتعتبر نفسك نجحت ولا فشلت؟
هل هي صدفة إن اليوم يبقي فيه «أربعة وعشرين ساعة» والكرتونة فيها أربعة وعشرين بيضة؟
هل الأشخاص النباتيين بيشربوا نسكافيه منزوع الكافيين؟
هل تري نزيلات سجن النساء في مأمور السجن صورة فتي أحلامهن؟
ليه الواحد شاف كل أطفال الحيوانات ماعدا أطفال الحمام؟
الصوت اللي بيفكر وبيتكلم في دماغك لو سمعته في أي حتة تانية هتقدر تتعرف عليه؟
ليست هناك تعليقات:
إرسال تعليق