الأربعاء، 29 سبتمبر، 2010

خواطــــــر




طريق المعرفة يبدأ بكلمة «ماعرفش».

اللي يبص لفوق يتعب.. اللي يبص لقدام يتجنن.

المرأة المستبدة.. رجل يشعر بإعاقة ما.

الحب الحقيقي يشبه حفلا موسيقيا، في نهايته قد يفترق العازفون ولكن الموسيقي تبقي أبدا.

عصفور في الأيد أرحم من التنهيد.

الفرق بين الزواج التقليدي والزواج عن حب.. كالفرق بين السفر للعمل في رواندا, والسفر للعمل في رواندا بعقد مغر.

الست دايما بتقع في الراجل المزيف.. والراجل بيجتهد عشان يبقي كده.

الزواج الناجح هو أن تقع في حب الشخص نفسه «كذا مرة».

الحياة مباراة بدون شاشة تعرض النتيجة.. لكن الناس كلها شايفة النتيجة علي وشك.

الحب من طرف واحد يشبه الشخص اللي بيغمس عيش بعيش.

مش مهم إنك تغير الكون..المهم إنك تخلى الكون مايغيركش.

الحب اللى يجى بسرعة لازم يروح بسرعة، و مافيش حاجه إسمها الحب (من أول نظرة) لإن الحب (أعمى) أصلا.

طبيعى إنك تحس بالخوف ..بس أوعى تخلّى ده يخوُّفك.

الاحمق هو الشخص اللى لسانه أسرع من عقله.

استمتع بالحاجات الصغيرة ، بكرة هتعرف إنها كانت كبيرة.

إتعلم تضحك على مشاكلك و أنت عمرك ما هتبطّل ضحك.

الخط المستقيم أقصر طريق بين نقطتين، و الابتسامة أقصر طريق بين شخصين.

الصبر..هو الحاجة الوحيدة اللى لازم تستعجل و أنت بتتعلمها.

وجودك فى الحياة هدية ماحدش يقدر يقدمهالك غير ربنا، و فيه ناس كتير بتيجى لهم هدايا قيمة ، الشاطر هو اللى يعرف يستفيد من الهدية اللى جات له.

كل حاجة فى الدنيا فيها شىء جميل، بس مش أى حد يقدر يشوفه.

مش كل مرة تتعب فيها هتوصل للى أنت عايزه، بس عمرك ما هتوصل للى أنت عايزه من غير ما تتعب.

الفهلوة سرقة..وخد بالك مافيش طريق مختصر للمكان اللى يستحق إن الواحد يروحه.

حياتك فيلم، واللى حواليك بيلعبوا أدوار لأب و الاأم والجار والصديق، بس أنت بطل الفيلم ..حاول دايما تتصرف زى الأبطال.

أخطر عيب فى البنى آدم إنه مايشوفش فى الناس غير عيوبهم.

الصديق الجيد هو الهدية الوحيدة اللى الواحد بيقدمها لنفسه بنفسه.

الصديق الكويس هو اللى يبقى عارف كل عيوبك ومع ذلك بيحبك.

أول خطوة فى النجاح إنك تعرف أنت عايز إيه.

ابتسامتك فى وش أى حد هتخليه صعب أنه يكرهك.
مش مهم إن كل الناس بتحبك، المهم إنك تحب كل الناس.

عمرك ما هتعرف قيمة الميه من غير ما تعطش، وعمرك ما هتعرف الصح من غير ما تغلط.

مش أى هدية ينفع تقبلها.

ماتسيبش الريموت كنترول فى ايد حد إلا لو كنت بتثق فيه.

ماتصدقش اللى يقولك (هيا كده) او (هيا ماتتعملش غير كده)، كل الحاجات ينفع تفكر فيها من أول وجديد حتى لو قالوا لك دى ثوابت، وخليك فاكر إن السباحه لو كانت بتخسس - زى ما بيقولوا - كان الحوت بقى سمكة زينة من زمان.

مافيش حاجة إسمها حظ، والمحظوظ هو مجرد شخص عارف هو عايز أيه و بيقدر يستغل كل الحاجات اللى بتقابله فى السكة لمصلحة الحاجة اللى هو عايزها.
اوحش حاجة إنك تكون مابتعملش حاجة،لإنه هيبقى صعب تعرف هتخلّص إمتى.

 
الوقت اللى هتضيعه فى التفكير فى الحاجات اللى ناقصاك المفروض تديه للتفكير فى الحاجات اللى عندك.

الخبرة هيا الحاجة الوحيدة المفيدة فى الفشل.

العقل زى البارشوت ... مابيشتغلش غير لمّا يتفتح.

الناس اللي بتخاف من الموت.. مسيرها تموت من الخوف.

الفرق بين القضاء والقدر أن الأول به فرصة للاستئناف.

أتقبل برضا تام كل المصائب التي تمر بي في هذه الحياة. لا شيء يفسد هذا الرضا سوي خوفي من أن أكون مقصراً.

 


أنت طفل لمرة واحدة في حياتك.. بعدها عليك أن تبحث عن 

أعذار جديدة.

 


أيهما الأول..البرتقال أم اللون البرتقالي؟!
 

 

 الغياب بيقتل قصص الحب الصغيرة وبيقوي قصص الحب 
 
الكبيرة... زي الرياح ما بتطفي شمعة علي الترابيزة وبتزود  

حريقة في الغابة.

 


الواحد بيعمل جدول أعمال عشان ينظم القلق.

 


خلف كل راجل عظيم امرأة خلته يطلع همه في الشغل!

 


قلبي مصدق معظم الحاجات اللي عقلي مش قادر يفهمها.

 


الحياة طريق والناس حوادث.

 


 الجايات أكتر من الرايحات... موج البحر.

 


العيب الرئيسي في النساء أنهن يفترضن الأسوأ .. العيب 

الرئيسي في الرومانسيات أنهن ينتقمن بضراوة.

 


يحتل الجنس المركز الأول في قائمة أهم عشرة أشياء في 

حياة الرجل. التسعة الباقيين مش مهمين.

 


الإنسان مُسير حتي لحظة الاختيار فيصبح مُخيراً، وما أن 

يختار حتي يعود مُسيراً من جديد..وهكذا.

 



القلق هو الشيء الوحيد الذي يدفعني إلي الأمام.




ليست هناك تعليقات: